Дархан-Уул аймгийн Засаг даргын 2017-2020 оны үйл ажиллагааны хөтөлбөрт тусгагдсан “Спортлог Дарханчууд” дэд хөтөлбөрийг аймгийн ИТХ-ын Тэргүүлэгчдийн хурлаар батлан хэрэгжүүлж ажиллаж байгаа  билээ.  Дэд хөтөлбөрийн хүрээнд Нийгмийн ардчилал монголын Оюутны холбоотой хамтран өнгөрсөн 7 хоногийн амралтын өдрүүдэд Дархан сумын 1,2,3 дугаар багийн иргэдийн дунд спортын 4-н төрлийн тэмцээнийг зохион явуулж аваргуудаа шалгаруулсан билээ. Харин энэ 7 хоногийн амралтын өдрүүдэд 4, 5, Өргөө багуудын иргэдийн дунд спортын 4-н төрлийн тэмцээн явагдана. Цаашид бүх багуудын дунд тус тэмцээнийг явуулж аваргуудаа шалгаруулах юм байна. Энэхүү дэд хөтөлбөрийн талаарх мэдээллийг өнөөдөр /2018.04.11/ холбогдох удирдлагууд хэвлэл мэдээллийнхэнд өглөө.