Хэнтий аймгийн Өмнөдэлгэр сумын нутагт орших Ононгийн халуун рашааны хамгаалалтыг сайжруулах, цаашид менежментийг хэрхэн зохицуулах талаар 2024 оны 03 дугаар сарын 01-ний өдөр Ононгийн халуун рашаан дээр олон талын хамтын оролцоотой уулзалт хэлэлцүүлгийг амжилттай зохион байгуулсан. Хэлэлцүүлэгт Сумын ИТХын дарга төлөөлөгчид, ИТХ-ын ажлын алба, Онон улз голын сав газрын захиргааны дарга, мэргэжилтэн, Хан Хэнтий Улсын Тусгай хамгаалалттай газрын Хамгаалалтын захиргааны Онон хэсгийн ахлагч, байгаль хамгаалагч ЗДТГ-ын байгаль хамгаалагч, Рашаанд бараалхаж буй 20 гаруй иргэд нийт 30-аад хүмүүс оролцож, нэлээдгүй саналууд дэвшүүлж, хэлэлцүүлгийн үр дүнд

• Улсын тусгай хамгаалалттай газар нутаг дахь халуун рашааныг уламжлалт ардын зан үйлээр нь ашиглах /худгийг засварлах, сэргээх/

• Орчны бүс нутгийн иргэдийн оролцоотой үйлчилгээний менежментийг сайжруулах / 00, хогны ауудлыг шийдэх, хөтөчтэй болгох, амрагчдын байрыг тохижуулах, засварлах/

• Халуун рашааны нөөцийг тогтоох / нарийвчилсан судалгаа, шинжилгээ хийх/ - Рашааны эрүүл ахуйн бүсийн дэглэмийг тогтоох

• Рашаанд бараалхагчид болон Аялал зугаалга, амралтын журмаар яваа хүмүүсийг ялгаж тусд нь байршуулах

• Гандан дугныг сэргээн засварлах, эд хөрөнгийг бүртгэлжүүлэх

• Төлбөр хураамжтай болгох гэсэн дүгнэлтэд хүрсэн.