Дархан-Уул аймгийн ИТХ-ын даргын эрхлэх асуудлын хүрээнд өнөөдөр /2025.01.08/ Улаан загалмайн хорооны дарга Б.Отгонбаяртай ажлын уулзалт хийлээ.

       Уулзалтаар Төр, Улаан загалмайн хорооны хамтын ажиллагааг эрчимжүүлэх чиглэлээр хийж хэрэгжүүлэх төлөвлөгөөг ярилцлаа. Мөн уулзалтын үеэр Дархан-Уул аймгийн сайн дурын байгууллага, иргэний нийгмийн байгууллагаас анхны “Үйлчилгээний гавьяат ажилтан” шагнал хүртсэн Улаан загалмайн нийгэмлэгийн дарга Б.Отгонбаярт ИТХ-ын дарга, ажлын албаны зүгээс баяр хүргэж, хүндэтгэл үзүүллээ.

Тэрээр Монголын улаан загалмай нийгэмлэгийн 85 жил, Дархан-Уул аймгийн улаан загалмайн хорооны 60 жилийн ойн хүрээнд “Үйлчилгээний гавьяат ажилтан"  шагнал хүртсэн байна.