Дархан-Уул аймгийн гадаад харилцаа, хамтын ажиллагааны хөгжлийг тусгасан “Дархан-Уул аймгийн Гадаад харилцаа, хамтын ажиллагааны хөгжил-II” номыг Аймгийн ИТХ-ын дарга А.Янжмаад Аймгийн ЗДТГ-ын Хяналт-шинжилгээ, үнэлгээний хэлтсийн дарга П.Баярсайхан гардуулан өглөө.

Тус ном нь Монгол Улсын гадаад бодлогын үзэл баримтлалд тулгуурлан, аймаг орон нутгийн гадаад харилцааг өргөжүүлэх, харилцан ашигтай хамтын ажиллагааг хөгжүүлэх, бодлогын залгамж чанарыг хадгалах зорилготойгоор эмхэтгэгдсэн байна.

Мөн аймгийн гадаад харилцааны чиглэлээр хэрэгжүүлсэн бодлого, төсөл хөтөлбөрүүд, байгуулсан гэрээ хэлэлцээрүүд, хамтран ажиллагч улс, хотуудтай харилцааг хэрхэн өргөжүүлж ирснийг энэхүү товхимолд багтаажээ.