Сумын иргэдийн Төлөөлөгчдийн Хурлын ээлжит 6-р хуралдааныг 04 дүгээр сарын 24-ний өдөр төлөөлөгчдийн 85%-ийн ирцтэйгээр хуралдаж доорх асуудлуудыг хэлэлцэн шийдвэрлэсэн.
ХЭЛЭЛЦСЭН АСУУДАЛ
1. Сумын Засаг даргын үйл ажиллагааны хөтөлбөрийг
хэрэгжүүлэх 2025 оны төлөвлөгөөг сонсох тухай
2. Мал аж ахуйн талаар баримтлах бодлого хөтөлбөр батлах
тухай
3. Гутайн даваа-хөмүүл голын эхийн БЦГ-ын үйл ажиллагааны
талаар мэдээлэл сонсох тухай
4. “Ёохор-2025” наадмыг Монгол улсын Хөдөлмөрийн баатар,
ардын багш, Их Засаг их сургуулийн ректор, доктор, профессор
Намсрайн Ням-Осорын нэрэмжит болгох тухай
5. Сумын Эх хэлний зөвлөлийг шинэчлэн байгуулах тухай
6. Орчны бүсийн Зөвлөлийг шинэчлэн байгуулах тухай
7. Эдийн засгийн хөгжлийн төлөвлөгөө боловсруулах ажлын
хэсгийг шинэчлэн байгуулах тухай
8. Иргэдийн Төлөөлөгчдийн Хурлын зөвлөлийг шинэчлэн батлах
тухай
9. Хамтарсан багийг шинэчлэн батлах тухай/
Сумын байгаль орчны доройтлыг бууруулж, бэлчээрийг зөв зохистой ашиглаж хамгаалах, бэлчээрийг малын хөлөөс чөлөөлөх, өнжөөж чөлөөлсөн газар нутгийг ашиглах талаар малчин иргэд, айл өрхүүд, бэлчээр ашиглалтын хэсэг, малчдын бүлэг нөхөрлөл ашиглуулах, бэлчээрийн даацад тохирсон өндөр ашиг шимт мал сүрэг өсгөн үржүүлэх, мал аж ахуйн үйлдвэрлэлийн тогтвортой байдлыг хангах, малчдын орлогыг нэмэгдүүлэх, малын нэмэлт тэжээлийн баазыг нэмэгдүүлэх, эрүүл ахуйн шаардлага хангасан бүтээгдэхүүнийг зах зээлд нийлүүлэх, стандартад нийцсэн мал нядлах цэгийг байгуулах, төв суурин газрын иргэдийн тав тухтай орчныг бүрдүүлж сумын төвийн малыг хөдөөгийн багт болон зөвшөөрөгдсөн цэгт шилжүүлэх зорилготой МАЛ АЖ АХУЙН ТАЛААР БАРИМТЛАХ БОДЛОГО ХӨТӨЛБӨРИЙГ баталсан.“Ёохор-2025” наадмыг Монгол улсын Хөдөлмөрийн баатар, ардын багш, Их Засаг их сургуулийн ректор, доктор, профессор Намсрайн Ням-Осорын нэрэмжит болгон, 07 дугаар сарын 18, 19-ний өдрүүдэд зохион байгуулахаар тогтов.
