Сумын ИТХ-ын дэргэдэх Нийгмийн бодлого, Төрийн байгуулалт, Хууль эрх зүйн бодлогын хороо 07 дугаар сарын 01-ний өдөр төлөөлөгчдийн 60%-ийн ирцтэйгээр хуралдаж доорх асуудлуудаар мэдээлэл сонсож, санал дүгнэлтийг гаргав.

Хэлэлцсэн асуудал:

1. Сумын календарьчилсан төлөвлөгөөтэй танилцах,

2. "Батширээт сум тохижилт" ОНӨААТҮГ-ын ажлын явцтай танилцах

3." Ёохор хатар- 2025" наадмын бэлтгэл ажилтай танилцах

4. Сумын хөгжлийн ерөнхий төлөвлөгөөг боловсруулах ажлын хэсгийн явцтай танилцах

- "Батширээт сум тохижилт" ОНӨААТҮГ-ын ажил 03 сарын хугацаанд хангалттай сайн явагдаж байна.

Цаашид:

Улсын баяр наадмын өмнө нийтийн эзэмшлийн хог цэвэрлэгээг хийх

Айл өрх, нийтийн эзэмшлийн талбайн хогийг ачиж тээвэрлэх хуваарь гаргаж ажиллах

07 дугаар сарын 05-ний өдрөөс 07 дугаар сарын 25-ны өдрийг хүртэл айл өрх, ААН, байгууллагууд өөрсдийн эзэмшлийн хашаагаа засаж, сэлбэх, өнгө үзэмжийг сайжруулах 20 хоногийн аяныг өрнүүлэх

Асахгүй байгаа гэрэлтүүлгүүдийг засварлан асаах тал дээр анхаарч ажиллах

"Ёохор хатар-2025" наадмыг зохион байгуулахад ААН, албан байгууллагуудыг татан оролцуулж, бэлтгэл ажлыг сайтар хангах

Ёохор наадмын хүрээнд хөтөч бэлтгэн ажиллуулах

Аялагчид, амрагчдыг байрлуулах түр отог байлуулах

Ёохор наадам үзэж сонирхогч хүмүүс, аялагчдыг байрлуулах айл өрхийн судалгааг гаргаж, иргэдтэйгээ хамтран ажиллах

Сумын календарьчилсан төлөвлөгөөг оны эх 1,2-р сард багтаан гаргаж иргэддээ танилцуулж, сурталчлан ажиллаж байх

Сумын эдийн засгийн хөгжлийн төлөвлөгөө ерөнхийдөө суурь судалгаа, санал авах ажил дээрээ явж байгаа юм байна. Төлөвлөгөөг нэлээн сайн боловсруулж 2026 оны 3 дугаар сард багтаан ИТХ-аар батлуулах зэрэг санал зөвлөмжийг гарган Засаг даргад хүргүүлж байна.