Монгол улсын засгийн газар, Нэгдсэн үндэстний байгууллагын хөгжлийн хөтөлбөр, Даян дэлхийн байгаль орчны сангаас хэрэгжүүлж буй "Байгалийн нөөцийн менежмент бүхий хамгаалалттай газар нутгийн сүлжээ" МОН/13/303 төслийн зүгээс Батширээт сумын "Хавтгар" ОНТХГ-т хийсэн ОНТХГ-ын менежментийн тогтвортой бүтэц бий болгох, чадавхижуулах, зөвлөх үйлчилгээний үр дүнг хүлээлгэн өгөх зөвлөлдөх уулзалт зохион байгууллаа. Тус уулзалтанд БОНХАЖЯ, Хэнтий аймгийн БОАЖГ, Хавтгарын ОНТХГ-ын орй орчмын нөхөрлөлүүдийн төлөөлөл, ЗДТГ-ын байгаль орчны улсын байцаагч, байгаль хамгаалагчид зэрэг 36 иргэн хамрагдсан байна.
Уулзалтыг нээж Хэнтий аймгийн БОАЖГ-ын дарга Г.Энхбаяр үг хэлсэн бөгөөд дараах сэдвүүдээр мэдээлэл хийлээ:
- БНХМ –ийн нөхөрлөлийн талаар төрөөс баримталж буй бодлого, учирч буй хүндрэл, цаашид авч хэрэгжүүлэх арга хэмжээ - Б. Доржготов. БОНХАЖЯ –ын ахлах мэргэжилтэн
- Нутгийн иргэдэд суурилсан байгаль хамгааллыг хэрэгжүүлэх чиглэлээр үндэсний түвшинд болон тухайн ОНТХГ -т төслийн хүрээнд авч хэрэгжүүлсэн арга хэмжээ, цаашдын зорилт- Б. Оюунтүлхүүр.Төслийн үндэсний зохицуулагч
- ”Хавтгар” ОНТХГ-ын менежментийн бүтцийг үүсгэн байгуулсан болон менежментэд оролцогч талуудыг чадавхжуулах чиглэлээр гэрээт ажлын хүрээнд авч хэрэгжүүлсэн арга хэмжээ - Г. Гансүх. COCONET - Байгаль хамгаалал, олон нийтэд зөвлөх сүлжээТББ
- ”Хавтгар”ОНТХГ –ын хамгаалалтын менежментийг санхүүжүүлэх тогтвортой санхүүгийн эх үүсвэрүүд, хэрэгжүүлэх механизм - Г. Гансүх. COCONET - Байгаль хамгаалал, олон нийтэд зөвлөх сүлжээТББ
- Батширээт сумын ЗДТГ –аас “Хавтгар” ОНТХГ, түүний орчимд нутагладаг нөхөрлөлүүдтэй хамтран ажиллаж ирсэн талаар мэдээлэл хийж ярилцах - Ц. Баярсайхан. Батширээт сумын засаг дарга
Энэ үеээр төслийн багийн зүгээс Сумын Иргэний танхимд speaker, LED projector, scanner, information board 2pcs, digital voice recorder sony ICD-PX333 зэрэг тоног төхөөрөмж, ном гарын авлага зэргийг хүлээлгэн өглөө.
БОНХАЖЯ –ын ахлах мэргэжилтэн Б. Доржготов сумын Засаг дарга Ц.Баярсайханд тоног төхөөрөмж хүлээлгэн өгөх үеэр
