Сумын ИТХ-ын 2025 оны тайлан

Сумын иргэдийн Төлөөлөгчдийн Хурлын ээлжит Арванхоёрдугаар хуралдаан 2025 оны 12 дугаар сарын 19-ний өдөр төлөөлөгчдийн 85%-ийн ирцтэйгээр хуралдаж доорх 6 асуудлыг амжилттай хэлэлцэн шийдвэрлэлээ.

Сумын иргэдийн Төлөөлөгчдийн Хурлын ээлжит бус Арваннэгдүгээр хуралдаан 2025 оны 12 дугаар сарын 10-11-ний өдөр төлөөлөгчдийн 80%-ийн ирцтэйгээр хуралдаж доорх 7 асуудлыг амжилттай хэлэлцэн шийдвэрлэлээ.

Сумын ИТХ-ын Зөвлөлийн хуралдааныг 12 дүгээр сарын 08-ны өдөр төлөөлөгчдийн 71.4 %-ийн ирцтэйгээр хуралдаж Сумын Засаг даргын үйл ажиллагааны хөтөлбөрийг хэрэгжүүлэх 2025 оны ажлын төлөвлөгөөний тайланг хэлэлцлээ.

Сумын ГХУСАЗСЗ-ийн даргаар батлагдсан удирдамжийн хүрээнд Гэмт хэрэг, зөрчлөөс урьдчилан сэргийлэх, Хүний эрх, Зүрх сэтгэл ба харилцаа хандлага сэдвээр сургалтуудыг багийн ИНХ-ын зөвлөлийн гишүүд, ЕБС-ийн сурагчид, төрийн албан хаагчдад тус тус зохион байгууллаа.

Сумын иргэдийн төлөөлөгчдийн хурлаас жил бүр хүүхдийн дуу хоолойг сонсох, тулгамдаж буй асуудлуудыг өөрсдийн оролцоотойгоор тодорхойлох, хэлэлцэх асуудалд бодитой хандах арга замыг таниулах, санал санаачилгыг дэмжин ажил хэрэг болгох, нутгийн өөрөө удирдах байгууллагын ач холбогдол, үйл ажиллагааг сурталчлан таниулах зорилготой “БИДНИЙ ОРОЛЦОО – МИНИ ХУРАЛДААН”-ыг 2 үе шаттайгаар зохион байгуулсан.

Монгол Улс анхдугаар Үндсэн хуулиа баталж, Бүгд Найрамдах Улсаа тунхагласны түүхт 101 жилийн ой өнөөдөр тохиож байна. 1924 оны 11 дүгээр сарын 26-нд батлагдсан анхдугаар Үндсэн хуулиар төрийн бүх эрх мэдлийг ард түмэнд олгож, Монгол Улсын тусгаар тогтнол, бүрэн эрхт байдлыг бататгасан түүхэн өдөр билээ.

Монгол Улсын Үндсэн хуулийн өдрийг тохиолдуулан Улсын Их Хурлын даргын ивээл дор зохион байгуулсан “Шатар сонирхогчдын Сумын аварга” шалгаруулах шатрын тэмцээнийг 2025 оны 11 дүгээр сарын 26-ны өдөр амжилттай зохион байгуулсан.

Сумын иргэдийн Төлөөлөгчдийн Хурлын ээлжит Аравдугаар хуралдааныг 2025 оны 11 дүгээр сарын 25-ны өдөр төлөөлөгчдийн 87%-ийн ирцтэйгээр хуралдаж доорх асуудлуудыг хэлэлцсэн. (Ирвэл зохиох 21 төлөөлөгчөөс ирсэн 18, чөлөөтэй 3)

Өвлийн эхэн сарын шинийн нэгэн буюу Их Эзэн Чингис хааны мэндэлсний 863 жилийн ой, "Монгол бахархлын өдөр"-ийг ИТХ, ЗДТГ, Соёлын төв хамтран зохион байгууллаа. Тус өдрийн хүрээнд:

Өөрийгөө болон бусдыг хайрлах, амьдралын үнэ цэнэ, ёс зүй төлөвшлийг эрхэмлэн, өөрийн харилцаа, хандлагаа эергээр өөрчлөх, мөн монгол хүний үнэ цэнэ, үнэт зүйл, бусдаас ялгарах онцлог, дотоод гоо сайхан, бахархлаа сэргээх урам зориг, ухамсрыг төлөвшүүлэх зорилгоор Иргэд болон ЕБС-ийн 6-9 дүгээр ангийн сурагчдад Гэмт хэргээс урьдчилан сэргийлэх ажлыг зохицуулах салбар зөвлөл, НТБ /Насан туршийн боловсрол/-ын багш Д.Лхагвадулам багштай хамтран сургагч ментор багш нарыг сумандаа урьж авчран сургалтуудыг амжилттай зохион байгуулсан

Сумдын Гэмт хэргээс урьдчилсан сэргийлэх ажлыг зохицуулах салбар зөвлөлийн гишүүдийг чадавхжуулах, үйл ажиллагааг эрчимжүүлэх, мэргэжил арга зүйн дэмжлэг үзүүлэх, хамтын ажиллагааг сайжруулах, гэмт хэргээс урьдчилан сэргийлэх, зөрчлийг бууруулах зорилгоор бүсчилсэн зөвлөгөөн 11 дүгээр сарын 10-ны өдөр Өмнөдэлгэр суманд зохион байгуулагдсан.

Сумын ИТХ-ын Зөвлөлийн хуралдааныг 11 дүгээр сарын 6 -ны өдөр төлөөлөгчдийн 71.4 %-ийн ирцтэйгээр хуралдаж Сумын Засаг даргын үйл ажиллагааны хөтөлбөрийг хэрэгжүүлэх 2025 оны ажлын төлөвлөгөөний биелэлтийг хэлэлцээд сумын Засаг даргад үүрэг чиглэлийг өгч, ИТХ-ын ээлжит 10 дугаар хуралдааныг 11 дүгээр сарын 25-ны өдөр хуралдахаар товыг тогтоож, хэлэлцэх асуудлуудыг баталлаа

Аймгийн ИТХ-ын баримтлах бодлого чиглэл болон сумын ИТХ-ын үндсэн чиглэлд заагдсаны дагуу аймаг, сумын ИТХ-ын төлөөлөгчид иргэд сонгогчидтойгоо уулзах, тэдний санал хүсэлтийг сонсох, хийж хэрэгжүүлж буй ажлаа тайлагнах зорилгоор “ТӨЛӨӨЛӨГЧИЙН ӨДӨР” арга хэмжээг 10-р сарын 04, 05, 12,13-ны өдрүүдэд зохион байгууллаа.

Сумын иргэдийн Төлөөлөгчдийн Хурлаас зарласан "Санхүүгийн боловсролыг дэмжих жил"-ийн хүрээнд "Тоонот баянширээт" ХЗХ байгуулагдлаа. 2025 оны 03 дугаар сарын 10-нд үүсгэн байгуулах хурал хийж, 21 гишүүн 4,2 сая төгрөгийн хувь хөрөнгөтэйгээр байгуулагдсан.

Сумын иргэдийн Төлөөлөгчдийн Хурлын ээлжит 7 дугаар хуралдааныг 07 дугаар сарын 03-ны өдөр төлөөлөгчдийн 76%-ийн ирцтэйгээр хуралдаж доорх 7 асуудлыг хэлэлцэн шийдвэрлэсэн.